Поделиться:
Главная
Молитвы
При кормлении младенца

Пред иконою "Млекопитательница"

Млекопитательница 

Приими, Госпоже Богородительнице, слезные моления рабов
Твоих, к Тебе притекающих: зрим Тя на святей иконе, на руках
носящую и млеком питающую Сына Твоего и Бога нашего, Господа
Иисуса Христа: аще и безболезненно родила еси Его, обаче
матерния скорби веси и немощи сынов и дщерей человеческих
зриши: темже тепле припадающе к цельбоносному образу Твоему и
умиленно сей лобызающе, молим Тя, всемилостивая Владычице, нас
грешных, осужденных в болезнех родити и в печалех питати чада
наша, милостивно пощади и сострадательно заступи, младенцы же
наша, такожде и родившия их, от тяжкаго недуга и горькия скорби
избави, даруй им здравие и благомощие, да и питаемии от силы в
силу возрастати будут, и питающия их исполнятся радостию и
утешением, яко да и ныне предстательством Твоим из уст младенец
и ссущих Господь совершит хвалу Свою. О Мати Сына Божия!
Умилосердися на матере сынов человеческих и на немощные люди
Твоя: постигающия нас болезни скоро исцели, належащия на нас
скорби и печали утоли, и не презри слез и воздыханий рабов Твоих,
услыши нас в день скорби пред иконою Твоею припадающих, и в
день радости и избавления приими благодарная хваления сердец
наших, вознеси мольбы наша ко престолу Сына Твоего и Бога
нашего, да милостив будет ко грехом и немощем нашим и пробавит
милость Свою ведущим имя Его, яко да и мы, и чада наша,
прославим Тя, милосердную заступницу и верную надежду рода
нашего, во веки веков. Аминь.

Вопрос священнику | Обычаи | Богословие | Богослужение | Молитвы | Жития святых | Иконография праздника | История праздника | Детская страничка | Материнская страничка | Открытки праздника | Медиа | Ссылки

© 2006—2013 Пасха.ру
Материалы сайта разрешены для детей, достигших возраста двенадцати лет Условия использования

Если вы обнаружили ошибку в тексте, сообщите нам об этом.
Выделите мышкой область текста и нажмите Ctrl+Enter.
Яндекс.Метрика